Pronat ne bregdet, padi e dyte ndaj Golemit

Tirane - Ish-drejtori ne Ministrine e Turizmit, Arben Golemi, eshte marre per here te dyte i pandehur ne Gjykaten e Tiranes. Akuza e ngritur ndaj ish-zyrtarit eshte po e njejte me te paren, ajo e "shperdorimit te detyres", per te cilen Gjykata e Faktit e denoi me 6 muaj heqje lirie. Per te njejten akuze Prokuroria e Tiranes ka depozituar dosjen e saj, e cila i ka rene per shqyrtim, gjyqtarit Martin Deda. Hetimet ndaj Golemit kane pasur si nisme te saj nje kallezim te bere nga ana e Ministrise se Turizmit, ku ish-drejtori akuzohet per abuzime ne dhenien e titujve per "Persona te Stimuluar", kompetence kjo e drejtorise se tij. Abuzimet e bera nga ana e Golemit mesohet se jane zbuluar nga ana e Auditit te Brendshem te kesaj ministrie, por paralelisht edhe me nje raport te Kontrollit te Larte te Shtetit. Behet fjale per abuzime te kryera gjate viteve 2002-2005, kryesisht ne dokumentacion, duke favorizuar subjekte me mangesi te theksuara ne dokumentet e paraqitura.
R.C