Pronat pushtojne auditin
Ceshtjet e pronave "uzurpojne" punen e Auditit te Brendshem dhe Departamentit Antikorrupsion ne Kryeministri. Mbi 40 ceshtje te lidhura me problemet e pronesise po ndiqen nga kjo drejtori me kapacitet te plote. Drejtori i ketij auditi, Oerd Bylykbashi, thote se ankesat per ceshtjet e pronesise, vendime te Agjencise se Kthimit dhe Kompensimit te Pronave apo regjistrimi i pasurive te paluajtshme jane disa nga problemet me te cilat haset cdo dite kjo drejtori. Sipas Bylykbashit, perpos ceshtjeve te pronesise, problem madhor perbejne edhe procedurat e tendereve qe kryhen ne administraten shteterore. Megjithate, ai veren se ka pasur nje renie te ankesave per periudhen e pare te vitit, per shkak se prokurimet fillojne ne tremujorin e dyte. Sipas Bylykbashit, kontrollet nisin gjithmone me urdher te kryeministrit, mbi bazen e nje program kontrolli te miratuar nga sekretari i Pergjithshem i Keshillit te Ministrave. "Shkak per te nisur nje kontroll mund te jene fenomene problematike ne administrate ose raste konkrete per te cilat kryeministri informohet ne rruge te ndryshme. Duhet te theksoj se raportimet ne media jane nje burim primar informacioni per fenomene korruptive apo abuzive. Kryeministri merr mbi 10 mije letra nga qytetaret. Nga linjat e telefonit vijne mesatarisht 50 deri ne 100 informacione ose denoncime ne muaj dhe shume qytetare i drejtohen kryeministrit nepermjet numrit te tij personal", tha ai ne nje interviste per "Korrierin". Ai tha se shpeshhere ka shkembim informacioni mes Drejtorise se Auditit te Brendshem dhe Kontrollit te Larte te Shtetit apo Avokatit te Popullit, ndonese keto jane institucione qe kontrollojne se jashtmi administraten. Pasuesi i ministrit te Drejtesise, Enkelejd Alibeaj, ne kete drejtori thote se ky departament kontrollon te gjithe veprimtarine administrative te ministrive, titullareve te tyre dhe zevendesministrave. "Gjate kontrolleve merren ne shqyrtim praktikat dhe aktet administrative te te gjithe zyrtareve, qofshin keta ministra apo nepunes te rangjeve me te uleta. Aktualisht, nga kontrollet nuk ka rezultuar ndonje shkelje administrative nga ndonje minister apo zevendesminister", theksoi Bylykbashi. Edlira Prendi