Proteste per arrestimet te marten marshim ne Prishtine
Nën organizimin e shoqatave të dala nga lufta, studentëve të Universitetit të Prishtinës dhe organizatave joqeveritare të martën në Prishtinë organizohet protestë mbarë popullore për të kundërshtuar arrestimet e fundit të kryera nga EULEX-i për krime lufte. Xhavit Jashari ka ftuar qytetarët që të marrin pjesë në protestë për të mos lejuar, siç është shprehur ai, njollosjen e luftës së shenjtë të Ushtrisë Çlirimtare të Kosovës.
“Gjithë këto arrestime, gjithë këto aktakuza, gjithë këto përpjekje për tan njollosur luftën e UÇK-së janë aktakuza që janë ngritur nga Serbia e që po tentohet përmes faktorit EULEX të zbatohen në Kosovë” tha Jashari.
Protesta është mbështetur edhe nga organizatat studentore dhe një pjesë e madhe e organizatave joqeveritare, që deklarojnë se arrestimet e fundit janë përpjekje për të rrënuar lavdinë e luftës së UÇK-së.
“Konsiderojmë se prangosja e çdo ushtari te UCK-së dhe rrënimi i vlerave të ushtrisë sonë çlirimtare është edhe rrënim I vlerave tona t]ë lirë, pavarësisë dhe demokracisë sonë” tha Sejdi Demiri, Përfaqësues i OJQ-ve.
Organizatorët e protestës thanë se protesta nuk është e drejtuar kundër bashkësisë ndërkombëtare në Kosovë, por vetëm kundër veprimeve të fundit të EULEX-it.
Një ditë para protestës i dërguari i posaçëm i Bashkimit Evropian në Kosovë, Pieter Feith, që është edhe përfaqësues i Zyrës Civile Ndërkombëtare ka thënë për media se disa pjesëtarë nga UÇK-së, të cilët janë konsideruar heronj mund të kenë bërë krime apo disa vepra të tjera për të cilat duhet të përgjigjen personalisht.
Policia e EULEX-it para dy javësh arrestoi 11 ish- pjesëtarë të UCK-së dhe lëshoi një urdhër arrest për ish komandantin e tyre tash deputet i Kuvendit të Kosovës Fatmir Limaj, nën dyshimin për krime të luftës të supozuar se janë kryer në fshatin Kleçkë në vitin 1999.
Bul Salihu
“Gjithë këto arrestime, gjithë këto aktakuza, gjithë këto përpjekje për tan njollosur luftën e UÇK-së janë aktakuza që janë ngritur nga Serbia e që po tentohet përmes faktorit EULEX të zbatohen në Kosovë” tha Jashari.
Protesta është mbështetur edhe nga organizatat studentore dhe një pjesë e madhe e organizatave joqeveritare, që deklarojnë se arrestimet e fundit janë përpjekje për të rrënuar lavdinë e luftës së UÇK-së.
“Konsiderojmë se prangosja e çdo ushtari te UCK-së dhe rrënimi i vlerave të ushtrisë sonë çlirimtare është edhe rrënim I vlerave tona t]ë lirë, pavarësisë dhe demokracisë sonë” tha Sejdi Demiri, Përfaqësues i OJQ-ve.
Organizatorët e protestës thanë se protesta nuk është e drejtuar kundër bashkësisë ndërkombëtare në Kosovë, por vetëm kundër veprimeve të fundit të EULEX-it.
Një ditë para protestës i dërguari i posaçëm i Bashkimit Evropian në Kosovë, Pieter Feith, që është edhe përfaqësues i Zyrës Civile Ndërkombëtare ka thënë për media se disa pjesëtarë nga UÇK-së, të cilët janë konsideruar heronj mund të kenë bërë krime apo disa vepra të tjera për të cilat duhet të përgjigjen personalisht.
Policia e EULEX-it para dy javësh arrestoi 11 ish- pjesëtarë të UCK-së dhe lëshoi një urdhër arrest për ish komandantin e tyre tash deputet i Kuvendit të Kosovës Fatmir Limaj, nën dyshimin për krime të luftës të supozuar se janë kryer në fshatin Kleçkë në vitin 1999.
Bul Salihu