Protokolli i papranueshëm për serbët e Kosovës

Kështu vlerësojnë liderët e serbëve të Kosovës, të cilët thonë se në marrëveshjen për këtë protokoll, serbët e Kosovë nuk kanë qenë të inkuadruar dhe mospranimi i protokollit nga ana e tyre, nënkupton që ai nuk do të mund të zbatohet.

Milan Ivanoviq, kryetar i Këshillit Kombëtar Serb për veriun e Kosovës, ka thënë për Radion Evropa e Lirë se protokolli nënkupton forcimin e kontrollit në pikat dhe vijën kufitare në bashkëpunim të plotë me EULEX-in dhe Policinë e Kosovës. /rel/