Prurjet ne rezervuar rrezikojne Rreshenin

Mirdite- Rezervuari i Sheshajt ne Mirdite rrezikon permbytjen e qytetit te Rreshenit. Alarmin e japin banoret e fshatit dhe kryeplaku, qe kerkojne nderhyrjen e autoriteteve vendore per te shmangur ndonje tragjedi te mundshme. Situata eshte renduar se tepermi pas reshjeve te dendura te shiut te rena gjate diteve te fundit dhe prurjeve ne lumin Fan qe shkaktuan permbytje te tokave bujqesore dhe shembjen e nje shtepie. Sipas banoreve, rezervuari i fshatit Sheshaj tashme rrezikohet nga shembja per shkak se shkarkuesi nuk punon dhe argjinatura eshte demtuar. Aktualisht nga ky rezervuar, si shkak i prurjeve po shkarkohen 800 m3 uje ne minute, por situata mbetet kritike pasi prurjet jane me te medha nga shkarkimet. Kryeplaku i fshatit deklaroi se ka kerkuar nderhyrjen e autoriteteve vendore, pasi ne rast demtimi te ujembledhesit rrezikohet qyteti i Rreshenit dhe banoret. Per momentin zgjidhja me e shpejte mbetet riparimi i shkarkuesit ose lehtesimi i kapacitetit ne rezervuar.