Publikohet projektligji për Specialen

PRISHTINË, 5 tetor /ATSH/ Projektligji për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar është publikuar në faqen zyrtare të Kuvendit të Kosovës.

Nisma, e cila tashmë është miratuar në lexim të parë (në parim), parasheh ndryshime në funksionimin dhe juridiksionin e Dhomave të Specializuara.

Sipas projektligjit, pas hyrjes në fuqi të ndryshimeve parashihet edhe rishqyrtimi i juridiksionit të rasteve që trajtohen nga Specialja.

Projektligji u miratua në lexim të parë me 91 vota për, pa asnjë votë kundër dhe pa abstenime. Deputetët e Lidhjes Demokratike të Kosovës nuk morën pjesë në votim.

Megjithatë, ende nuk është e qartë nëse projektligji do të procedohet për lexim të dytë gjatë ditës së sotme.

Ndryshimet e propozuara vijnë në kohën kur në Kuvend po zhvillohen diskutime për rolin, mandatin dhe mënyrën e funksionimit të Dhomave të Specializuara, pas aktgjykimit të 16 shtatorit.

Aktualisht janë duke u mbajtur protesta pranë Kuvendit të Kosovës, të organizuara nga Çlirim Haziri dhe OVL-UÇK.

Më poshtë mund të gjeni Projektligjin në PDF: