Punonjësit e ARMO-s: Duam paratë! (dhe një akuzë tronditëse: mijëra ton mbetje kimike janë hedhur në lumë)

1500 punonjësit e kompanisë ARMO kanë nënshkruar një deklaratë të përbashkët, ku kërkojnë paratë që u janë mohuar gjatë kohës që kompania kaloi në duart e Rezart Taçit.

Në deklaratën e tyre, ata thonë se kërkojnë shlyerjen e pagave të rreth shtatë muajve të fundit.

Po ashtu ata thonë se nuk kanë marrë pagat e fundvitit për katër vitet e fundit.

Në deklaratë thuhet se nuk u janë dhënë paratë e rrobave për 4 vjet.

Ata akuzojnë se u janë mbajtur me të padrejtë 72 mijë lekë si tatim për ushqimin.

Punonjësit thonë se u është shkurtuar leja e zakonshme dhe akuzojnë se kompania është keqpërdorur.

Mes akuzave të forta që lëshojnë punëtorët është ajo se mbi 3 mijë metër kub mbetje kimike janë hedhur në lumin Gjanicë, çka përbën vepër penale.

Sasia e kimikateve është hedhur përgjatë viteve 2011- 2012./ep