Putin paralajmëron perëndimorët për furnizimin me armë të sirianëve

LONDËR- Presidenti rus, Vladimir Putin deklaroi sot se Moska nuk do t'i shkelë rregullat ndërkombëtare për dhënien e armëve regjimit të Damaskut, por ajo do të sillet ndryshe nëse partnerët perëndimorë të G8-s do të furnizojnë me armë rebelët sirianë.

"Ne nuk shkelim asnjë rregull apo normë dhe u kërkojmë edhe partnerëve tanë të bëjnë të njëjtën gjë'', deklaroi Putin gjatë një konference shtypi me kryeministrin britanik, David Cameron, në prag të samitit të G8-s, që do të zhvillohet në Irlandën e Veriut.

(d.b/BalkanWeb)