Pyetësori, Berisha:Në Bruksel shkohet me një test pa ujë

Në Bruksel do të shkohet me një test pa ujë. Kjo ishte deklarata e sotme e kryeministrit Sali Berisha në mbledhjen e radhës të komitetit ndërministror për integrimin. Shefi i qeverisë tha para ministrave se është bërë një punë intensive në hartimin e përgjigjeve të pyetësorit të dorëzuar nga Komisioni Evropian.
Sipas tij, u janë dhënë përgjigje plot 2249 faqe dhe 1568 shtojca. "Duhet të dëshmojmë përqëndrimin tonë dhe mund të shprehim qartë në përgjigje realitetin në mënyrën sa më të kursyer", theksoi Berisha.