QSUT, mish dhe embelsire per Krishtlindje
Sonila Isaku
Ushqimet e percaktuara nga dietologet, por te shoqeruara me embelsira dhe me me shume produkt mishi, kjo ka qene dreka festes se Krishtlindjeve per pacientet e Qendres Spitalore Universitare "Nene Tereza". Prej dy ditesh, "specialistet" e ushqimit dhe kuzhinieret kane menduar se cfare do t'u ofrojne pacienteve, te cilet lindjen e Krishtit do ta kalonin ne spital. Duke zbatuar dietat e percaktuara, por edhe duke i kenaqur me shume se zakonisht, eshte menduar qe nje embelsire te jete nje forme urimi per keta paciente. Meqenese riti fetar kerkon me shume mish ne tavoline, kjo eshte zbatuar edhe per te semuret e QSUT-se. "Dreka e Krishtlindjeve ka qene me ndryshe se ajo e diteve te tjera, ku ofrohet nje pjate gjelle. Kemi marre nje racion te plote mishi si dhe embelsire", kane pohuar dje pacientet. Nderkohe qe, ne pavijone te ndryshme gjella ka qene e ndryshme, duke pasur parasysh edhe llojin e semundjes qe trajtohet.
Diabetiket nuk kane pasur ne racionin e tyre embelsire, por kjo eshte zevendesuar me fruta, nderkohe qe gjella per shumicen e tyre ka qene supe me perime. Por edhe gjelle e gatuar me zarzavate, te cilet jane te ushqyeshme dhe qe luftojne rritjen e sasise se glukozes ne gjak. Nje mjeke dietologe e pavijonit kujdeset per te gjithe te semuret, duke iu dhene dieta te vecanta ne shtepi, kurse ne pavijon ata trajtohen te gjithe njelloj, duke ndare te njejtin ushqim. "Ne spital nuk aplikohet ndonje diete e vecante per te semuret diabetike, ata marrin te njejtin ushqim si edhe pacientet e tjere. Por keshillat per te mbajtur nje diete pas daljes nga spitali jepen per gjithsecilin", theksoi dje dietologia e pavijonit te endokrinologjise, Hanki Caku. Per te percaktuar nje diete per pacientin, dietologet bazohen ne disa parametra qe jane ne peshe, gjatesi, seksi, aktivitetit fizik, si dhe vendit ku banon, ne veri apo ne jug. Kjo e fundit pasi per zonat e ftohta dieta kerkon me shume ushqim sesa ne zonat e ngrohta. Sipas te dhenave, rreth 36 dieta te ndryshme jane perdorur gjate dites se djeshme ne Qendren Spitalore Universitare "Nene Tereza" per pacientet. Kryesisht keto dieta permbanin mish, zarzavate, fruta dhe embelsira. Nderkohe qe cilesia e ushqimeve ne kete Qender Spitalore prej vitesh ka mbetur ne te njejtat nivele ku ne shumicen e rasteve pacientet nuk e preferojne ta marrin.
Te enjten, menyja e Vitit te Ri
Nje tjeter meny do te kene pacientet e QSUT-se per festat e fundvitit. Keshtu, te gjithe ata paciente, te cilet do te kalojne Vitin e Ri te shtruar ne spital, ushqimin do ta kene me te bollshem dhe me te pasur. Por se cfare do te permbaje darka e Vitit te Ri, dietologet dhe kuzhinieret jane duke punuar, sepse u duhet te pershtatin gatimet sipas semundjeve te pacienteve. Sipas burimeve nga QSUT, thuhet se neser kuzhinieret do te kene ne dore gatimet qe do te behen per darken e fundit te vitit 2007. Nderkohe qe gjate vitit te kaluar eshte ndjekur e njejta udhe, ashtu si edhe gjate dites se djeshme ku eshte shtuar embelsira, sasia e mishit dhe frutat. Ajo qe eshte vene re ka qene mungesa e lengjeve.