Nderrimi i viteve, 9700 police ne rruge
Artan Cena
Nderrimi i viteve ne Shqiperi do te gjeje ne krye te detyres 9700 police, qe do te garantojne sigurine dhe rendin ne momentet festive ne rruge apo lagjet me problematike ne Tirane e rrethe. Drejtori i Pergjithshem i Policise, Ahmet Prenci, ka urdheruar marrjen e masave shtese dhe sherbim 12-oresh ne rruge nga patrullat e policise. Ndersa naten e nderrimit te viteve do te jene ne detyre te gjithe efektivet, perfshi edhe agjentet civile. E para qe ka deklaruar planin e masave eshte Policia e Tiranes, e cila do te nxjerre ne bulevard 400 forca te rendit, pa llogaritur turnet e sherbimit dhe inspektoret neper lagjet me te medha. Nga 31 dhjetori i vitit 2007, deri ne oret e para te 1 janarit 2008, do te jene ne gatishmeri mbi 95 per qind e uniformave blu qe ne krye do te kene drejtuesit e tyre.
Diten e djeshme, Policia e Tiranes beri thirrje qe qytetaret te jene te kujdesshem ne perdorimin e fishekzjarreve dhe shmangien e pijeve alkoolike nga drejtuesit e mjeteve me qellim parandalimin e ngjarjeve aksidentale. Policia e kryeqytetit, si dhe drejtorite ne qarqe, kane ngritur nga nje plan masash per diten e nderrimit te viteve. Madje, masa jane marre edhe ne akset hyrese per ne kryeqytet, disa prej te cilave do te bllokohen per shkak te trafikut te renduar si pasoje e kthimit te emigranteve. Naten e nderrimit te viteve ne Tirane, policia do te ndaloje qarkullimin e automjeteve duke filluar qe nga ora 22:00 e mbremjes e deri ne perfundim te aktiviteteve festive. Nderkohe qe per te denoncuar cdo veprim te paligjshem, Drejtoria e Policise se Tirane ka vene ne dispozicion numrat pa pagese, 126 dhe 129.
Masa policore per parandalimin, zbulimin dhe goditjen ne kohe te cdo lloj tendence kriminale jane parashikuar edhe ne aeroportin "Nene Tereza". Ne Rinas eshte rritur siguria ne rruge per te parandaluar aksidentet dhe po keshtu kontrollet ne dogane per emigrantet qe kthehen apo ata qe dalin. Zedhenesja e policise, Alma Katragjini, tha dje se, "do te kete kontrolle ne qendrat tregtare, bulevardet dhe sheshet kryesore, pershpejtimin e procedurave per pajisje me pasaporte per jashte shtetit te shtetasve shqiptare, sigurimin e nenstacioneve elektrike, depove te ujit te pijshem etj.". Dy dite me pare u deklaruan edhe masat per sigurine e ambasadave te akredituara ne Tirane dhe rezidencave te tyre, apo objekteve te rendesise se vecante.