Qeveria jep miratimin për shitjen, Çelsi merr frymë

Dritë jeshile nga qeveria britanike për shitjen e Chelseat. Vendimi i pritur në orët e fundit do të lejojë kështu kalimin e klubit londinez te konsorciumi amerikan i drejtuar nga Todd Boehly. Ish-pronari i kompanisë, oligarku rus, por me pasaportë portugeze Roman Abramovich, nuk do të përfitojë asgjë nga shitja: të gjitha të ardhurat do t’i dhurohen një shoqate bamirësie që kujdeset për viktimat e luftës në Ukrainë. Nga pikëpamja sportive, megjithatë, blutë do të mund të rikthehen për të operuar në tregun e shitblerjeve.

Sa i përket shifrave në fjalë, kjo është një blerje rekord: Chelsea do t’u kalojë amerikanëve të drejtuar nga bashkëpronari i Los Angeles-it për 2.5 miliardë paund, rreth 2.9 miliardë euro. Pronarët e rinj më pas u zotuan të investojnë 2 miliardë euro të tjera në vitet e ardhshme midis stadiumit, ekipeve të meshkujve dhe femrave dhe objekteve të kompanisë. Në një shënim zyrtar nga Londra, vendosen dy kushte themelore: Abramovich nuk do të duhet të përfitojë nga operacioni dhe paratë do të duhet të përdoren për qëllime humanitare në favor të Ukrainës.