Rama: Berisha genjeshtar

Nje dite pas daljes se gjate publike te kryeministrit Berisha per prezantimin e arritjeve te qeverise ne luften kunder korrupsionit, Partia Socialiste ka shperthyer ne akuza te ashpra ndaj kreut te qeverise.

Kryetari socialist Edi Rama duke bere nje ballafaqim te shifrave ka deklaruar se kryeministri genjen shqiptaret dhe se qeveria aktuale eshte kampione e varferise e korrupsionit.

“Dje ne oret e darkes, kryeministri hyri direkt ne shtepite e shqiptareve ne nje konference shtypi qe do ta kishte patur zili edhe Fidel Kastro”, u shpreh Rama.

Kreu socialist, sqaroi se Berisha u tall me buxhetoret e pensionistet, duke genjyer per rritjen e rrogave dhe pensioneve.

“Berisha flet per rritje, kur ato para ua merr buxhetoreve dhe pensionisteve, me rritjen e taksave dhe me vendosjen e pagesave per sherbimet ndaj qytetareve, kur ato duhet te jene falas”, u shpreh Rama.

Kreu socialist e konsideroi qeverine si kampione ne papergjegjshmeri dhe ne korrupsion.