Rama: Berisha të japë dorëheqjen

Kryetari i Partisë Socialiste kërkoi sot dorëheqjen e kryeministrit Sali Berisha, pasi ky do të ishte shërbimi më i mirë që mund t'i bënte vendit.

"Shërbimi më i mirë do të ishte dorëheqja e kryeministrit, para se shqiptarët ta largojnë me votën plebishitare. Kryeministri duhet të ikë dhe jo të kërcënojë drejtësinë", u shpreh Rama në një konferencë për shtyp.

Duke komentuar propozimin e një ditë më parë të kryeministrit për ligjin për shtetëzimin e trojeve, Rama akuzoi Berishën se po tallet me inteligjencën e shqiptarëve pasi ky veprim është kryekëput i gabuar.

"Kryeministri të mos tallet me shtetëzimin e trojeve ku sekseri i tij serb e ka blerë atë truall për fare pak para. Me propozimin e tij kryeministri na sugjeron që ne qytetarët shqiptarë t'i blejmë tokën një shtetasi të huaj serb dhe pasi kësaj pikërisht ai i huaj të fitojë edhe nga shpronësimet, duke vazhduar më tej punën si sekser", theksoi Rama.

Kreu socialist kërkoi nga Prokuroria dhe Kontrolli i Lartë i Shtetit që të hetojë privatizimin e trojeve.