Rama: Gati të zgjidhim krizën për të mirën e vendit

Duke folur mbi draftin e Parlamentit Evropian, ekzistenca e të cilit u bë e ditur një ditë më parë, kreu socialist, nuk ka dhënë detaje rreth këtij drafti.

“Ne jemi gati të merremi vesh për të mirën e vendit , për liberalizimin e vizave që nuk duhet të pengohet nga kutitë e mbyllura, për demokracinë” theksoi Rama.

Ai ka kërkuar nga qeveria që të pranojë krizën dhe të ulet në tryezën e dialogut për të gjetur rrugët, çka do t’i jepnin fund ngërçit disa mujor. “E ftoj përsëri Berishën të dëgjojë zërin e arsyes, të pranojë krizën dhe të ulet për ta zgjidhur atë duke filluar nga transparenca” vijoi.