Rama: PS, e sigurt per fitoren

VLORE- Ne nje takim jashte axhende, te organizuar nga qytetaret vlonjate, kryetari i Partise Socialiste, Edi Rama dhe deputetet e ketij qyteti, jane shprehur te sigurt ne fitoren e socialisteve ne zgjedhjet e ardhshme. Fitore kjo qe, sipas kreut socialist, nuk duhet te vije vetem si pasoje e deshperimit social-ekonomik, ku e ka zhytur vendin kjo qeveri por do te jete nje fitore per te bere te mundur ndryshimin permes nje programi realist dhe krejtesisht te zbatueshem. "Fitorja jone e vitit te ardhshem do te jete nje fitore e jashtezakonshme, jo thjesht per faktin se ne do te mundim Sali Berishen, por per faktin se me fitoren e vitit 2009, ne do te fillojme luften me varferine, do te fillojme luften me papunesine, do te fillojme luften me injorancen, me dhunen me korrupsionin", ka qene deklarata e forte e kreut socialist, Rama, teksa ka garantuar suksesin e partise se tij ne zgjedhjet e ardhshme. Ai nuk ka munguar te shprehet se, socialistet nuk do te vijne ne pushtet vetem per t'i treguar vendin Berishes, por per te treguar dhe se si behet vendi, tha Rama dje ne Vlore. Duke qendruar statik ne aksiomen se te gjitha levizjet dhe fitoret vijne nga Vlora, Rama nuk ka munguar te shprehet se ardhja ne pushtet e socialisteve do te sjelle nje Shqiperi, ku qytetari shqiptare te mos detyrohet te marre detin me not apo me varke, apo me skaf dhe te rrezikoje edhe jeten, po ku cdo shqiptare e shqiptare te mund te udhetoje lirisht ne Evrope, si nje evropian. "Ne jemi te vetedijshem qe duhet ta ndertojme Evropen ketu, ne shtepite tona, ne shkollat e femijeve tane, ne spitalet dhe ne ambulancat tona, ne vendet e punes se te gjithe shqiptareve te ndershem, qe duan te jetojne me pune te ndershme", tha Rama. "Ne na duhet qe te premtojme vetem ato qe do te bejme dhe te bejme cdo gje qe premtojme. Na duhet nje program dhe ne duam qe te nesermen e fitores cdo njeri nga ata qe do ulet per te realizuar premtimet, te kete perpara programin, qe nuk eshte nje liber premtimesh, por eshte rruga e realizimit te premtimeve", perfundoi Rama. A.G