Berisha: Hiqen taksat per fene

TIRANE - Qeveria shqiptare angazhohet te perjashtoje nga taksat, te gjitha bashkesite fetare, ndersa merr persiper te pershpejtoje punen per rikthimin dhe kompensimin e pronave per keto bashkesi. Kjo behet e mundur fale marreveshjes se nenshkruar dje midis Keshillit te Ministrave dhe tre bashkesive fetare perkatesisht, Komiteti Mysliman, Kishes Ortodokse Autoqefale dhe Kryegjyshates Boterore Bektashiane. Kreu i qeverise Berisha, e vleresoi marreveshjen si nje dokument historik dhe u zotua per zbatimin e saj. Nga ana tjeter sipas kesaj marreveshje, do te hartohet edhe ligji specifik per financimin e bashkesive fetare nga shteti, duke u bazuar ne pervojen evropiane per mbeshtetjen e veprimtarive te bashkesive fetare. Ne fjalen e mbajtur me kete rast, kryeministri Berisha deklaroi se ne nje kohe kur dallimet fetare kulturore ndjellin perplasje, shqiptaret jane modeli se si ato ndjellin bashkepunim, mirekuptim dhe harmoni. Duke kujtuar te kaluaren komuniste te vendit, ku besimi fetar ishte i ndaluar, kryeministri Berisha theksoi se kjo marreveshje vjen ne formen e nje ndjese, ne lidhje me ate periudhe te erret per fene ne Shqiperi. Kreu i qeverise theksoi se kjo marreveshje vjen ne kuader te perpjekjeve madhore qe kane bere kleriket ne vend, per te ruajtur edhe vlerat e besimit te tyre. "Nuk mund te mos theksoj se kjo marreveshje ne vetvete mbart detyrimin madhor te ketij shteti, per t`u paraqitur nje ndjese te thelle, nje falje te gjithe atyre klerikeve shqiptare, besimtareve shqiptare qe per besimin tek Zoti, tek e verteta u flijuan, u sakrifikuan, por qendruan te pamposhtur", theksoi Berisha ne fjalen e tij perpara klerikeve te vendit tone.

Fatjona Mejdini