Rama: Reforma në drejtësi po funksionon!

Arrestimi i gjyqtares Enkeleida Hoxha dhe akuzat e rënda ndaj kardiokirurgut të njohur Edvin Prifti, janë komentuar edhe nga kryeminstri Edi Rama. Gjatë një takim online me të rinjtë në Tiranë, zoti Rama i komentoi këto ngjarje si tregues se reforma në drejtësi po funksionon. “Kjo është shenjë që sistemi ka nisur të funksionon. Bashkë me gjykatësen u arrestua një mjek shef pavioni që iu gjetën paret e dynjasë.
Eshtë një lajm shumë i mirë për sistemin pasi ko do të rrisë besimin e njerëzve që do të denoncojnë.
Në rastin e mjekut ka pasur një denoncim që e ka përcjellë drejtori i spitalit e kështu gjërat vijnë bashkë” tha zoti Rama.”Nuk ka formulë magjike që gjërat të bëhen pa durim, rezistencë, ambicie e forcë lidershipi e mbi të gjitha pa vetëdijen që nuk bëhet dot ajo që nuk është bërë me vite duke përsëritur të njëtën gjë” tha zoti Rama para të rinjve.