Rama: Reforma urgjente per fshatin Qamil Xhani
Kryetari i Partise Socialiste, Edi Rama, deklaroi dje se ringritja e ekonomise dhe zhvillimi i zonave rurale duhet te nise me reforma urgjente per fshatin. Ne tryezen e zhvilluar dje per bujqesine, kreu i PS-se eshte ndalur ne situaten aktuale ne fshat, duke theksuar se nuk ka investime dhe subvencione per fermeret. Rama u shpreh se reformat ne fshat do t'i japin dhe zgjidhje nje pjese te mire te problemit te papunesise. "Nese ne me programin tone dhe me nje qeverisje qe do t'i ktheje syte nga fshati do t'i japim jete nje zhvillimi real rural, atehere me patjeter do te afektohet ne menyre te konsiderueshme edhe ajo pjese e jetes se sotme shoqerore ne Shqiperi, qe lidhet me papunesine, e me radhe te gjitha aspektet e tjera qe sot jane produkt i plageve te renda sociale", - tha kreu i PS-se. Rama u shpreh se zhvillimi rural dhe zhvillimi i bujqesise jane dy drejtime qe duhen trajtuar ne menyre te ndare per te arritur rezultate konkrete. "Zhvillimi rural eshte shume me teper sesa zhvillimi i bujqesise. Nje ekonomi rurale moderne dhe produktive eshte shume me teper sesa vetem ekonomia bujqesore", - tha Rama. Sipas tij, ndihma ndaj bujqesise shqiptare duhet te nise qe me krijimin e mundesive per furnizimin e tregut me keto produkte dhe jo me import. "Furnizimi i tregut te brendshem me produkte ushqimore, te cilat deri me sot importohen, duke gjeneruar te ardhura te larta dhe duke permiresuar standardet e jetes ne fshat, lidhet me zhvillimin rural si nje koncept baze i vizionit tone per fshatin. Per ne eshte po ashtu e pandashme rruga drejt nje zhvillimi modern rural me rrugezgjidhjen e problemit te prones. I cili eshte vendosur si nje angazhim konkret i PS ne programin baze 'Per nje Rilindje Shqiptare'", - u shpreh Rama. Nje ceshtje e rendesishme, ne te cilen u ndal kreu i PS-se lidhet dhe me pronen. Ai u shpreh se zgjidhja e konflikteve do te shmangte mundesine e copezimit te pronave bujqesore. Kreu i PS-se iu referua shkembimeve tregtare dhe organizimit te fermereve vendas, duke theksuar se aktualisht bujqesia shqiptare vetem mbijeton. "Sfida kryesore ne zhvillimin e bujqesise dhe te zonave rurale ne Shqiperi eshte ne fakt transformimi i sektorit bujqesor, nga nje sektor per mbijetese ne nje sektor te qendrueshem, modern dhe konkurrues. Sepse ne fund te fundit, konkurrueshmeria eshte aspekt themelor i zhvillimit rural", - u shpreh dje kreu i PS-se. Kreu i PS-se theksoi se ferma shqiptare duhet te mos jete vetem ne aspektin familjar, por te zgjerohet me nje baze ligjore te mirepercaktuar. "Konsolidimi ligjor i fermes shqiptare, duke respektuar te drejten e prones private mbi token dhe duke i dhene fund odisese, 20 e me shume vjecare te atyre qe jetojne me token dhe ende nuk kane nje dokument qe ta beje te qendrueshem investimin e tyre per token, eshte prioritet ne programin tone per zhvillimin rural modern", - u shpreh Rama.