Rama: Rikonstruksion rrugeve ne bashkine nr.8

Kryetari i bashkise se Tiranes dhe drejtues te sektoreve me te rendesishem te saj kane bashkebiseduar me komunitetin lidhur  me projektet qe duhet te realizohen ne territorin e minibashkise numer 8.

Nepermjet votimit, si dhe duke shprehur problemet e zones se tyre, banoret do te vendosin vete se si duhet te ndahet buxheti dhe ku duhet te investohet gjate vitit 2009.

Por prioritet ne kete zone pervec krijimit te shesheve shplodhese dhe nderhyrjeve ne rruge do te kete ruajtja dhe  harmonizimi i te shkuares historike ne qender te njesise numer 8 per te cilen Rama premtoi financim te posacem per kete qellim.

"Duke vene theksin te kjo zone historike e kryeqytetit, duke e perfshire ate si nje zone te paprekshme nga pikepamja e zhvillimit, por nje zone ku do te veprohet per restaurimin dhe riperteritjen jetesore te elementeve te saj bejme nje sherbim te rendesishem historik  ne qytetin tone duke vendosur edhe nje instrument financiar qe e ndihmon kete restaurim dhe perteritje", u shpreh Rama.

Ne minibashkine numer 8 pervec projekteve te nisura, me buxhetin e vitit 2009 do te realizohen nje sere projektesh te rendesishme sipas nevojave te banoreve.