Rama: Situata rrezikon te dale jashte kontrollit Qamil Xhani

Kryetari i Partise Socialiste ka kerkuar dje mbajtjen e zgjedhjeve te parakohshme, si e vetmja menyre per te krijuar stabilitet politik ne vend. Ne nje deklarate dhene per mediat, Rama i ka cilesuar zhvillimet e fundit ne vend si alarmante. Kreu i PS-se u shpreh se opozita nuk mund te kontrolloje me situaten, nese nuk ka nje reagim nga mazhoranca. “Kjo qeveri e marre fund duhet te largohet dhe ky i ashtuquajtur kryeminister qe ka vjedhur votat, qe drejton nje qeveri kusaresh e matrapazesh me bllokun e piste te plackitjeve ne dore, qe del mendsh sa here del perballe opozites, duhet t’i jape zgjidhje politike nje situate qe rrezikon te dale jashte kontrollit te politikes, pavaresisht vullnetit tone te palekundur per te mbajtur aksionin tone politik brenda kufijve te rolit tone kushtetues”,-tha dje Rama ne nje konference per mediat. Rama ka justifikuar dhe aktet e dhunes qe mund te ndodhin gjate demonstrates se dates 21 janar. Ai u shpreh se nuk eshte Partia Socialiste ajo qe therret njerezit ne demonstrate, por jane njerezit qe nuk bien dakord me kete qeveri. “E them kete, sepse populli ka nje liri kushtetuese e te drejta historike, qe nuk i ka asnje institucion e asnje force politike. Ushtrimi i kesaj lirie e te drejte, ndodh kur Kushtetuta merret peng, ligjet zhvleresohen, institucionet bien, ndersa opozites politike i ezaurohen mundesite qe percaktohen prej rolit te saj kushtetues, pra kur sistemi politik del jashte loje”, u shpreh kryesocialisti Edi Rama. Duke justifikuar ate qe mund te ndodhe, Rama u shtoi se si perfaqesues i opozites mund te beje thirrje vetem per zgjidhje politike, qe synojne zgjedhjet e parakohshme. “Roli yne eshte te kerkojme pa pushim zgjidhje politike edhe aty ku s’duken gjasa qe zgjidhja te gjendet. E kemi bere dhe do te vazhdojme ta bejme kete, per s’mund ta pengojme me popullin te marre ne dore fatin e vet”, tha Rama. Kreu i PS-se shtoi se zgjidhjen e vetme mund ta jape kryeministri Sali Berisha, i cili sipas tij duhet “te pranoje me realizem fundin e nje koalicioni te turperuar publikisht, e te kerkoje zgjidhje politike”. Ne optiken e kryetarit te PS-se, situata nuk mund te menaxhohet me nga politika, duke lene te kuptohet se nuk ka me vend per marreveshje mes paleve. “Gjendja eshte e rende, zgjidhja eshte e thjeshte. Koalicioni i Turpit nuk mund te jete me qeveria e shqiptareve. Saliu duhet ta deklaroje te mbyllur aventuren e ketij koalicioni, qe Shqiperia s’mund e s’do ta mbaje dot ne kurriz edhe sikur te gjithe ne partite politike t’i lutemi popullit shqiptar ta beje kete sakrifice”, -tha ai. Ne daljen e djeshme per mediat, Rama ka shtuar se vetem zgjedhjet jane menyra e rikthimit te vendit ne normalitet. “Ne s’mund te bejme me shume se sa gjithcka kemi ne dore per te nxitur zgjidhjen politike, populli mund te na tejkaloje ne dhe politiken ne teresi, ne qofte se kush qeveris nuk punon per zgjidhjen politike po behet zgjedhe ne kurrizin e popullit”,-tha Rama. Duke folur per seancen e djeshme ne Kuvend, Rama permendi te njejten shprehje te deklaroi dhe kreu i grupit parlamentar, Ruci. “Mbreme Shqiperia pa me ze e me figure ne sallen e Parlamentit te saj, shembelltyren jetesore te vargjeve te Dritero Agollit: Ne vendin tim, ne vendin tend, nje koke e cmendur te gjithe i cmend”,-tha Rama.