"Rama, bej kompromis me Meten"
Kryeministri Berisha ka shfrytezuar mbledhjen e djeshme te qeverise, per te bere dhe njehere thirrje ne drejtim te kreut socialist, Edi Rama qe te jape konsensusin per te perfshire perfaqesues te Levizjes Socialiste per Integrim ne komisionet zgjedhore. Me nje gjuhe te paqte, por duke u dhene mundesine socialisteve te akuzojne, se po zvarritet me qellim, votimi i ndryshimit ne Kod, kreu i mazhorances tha se kryetari i PS-se nuk mund te lere pa komisionere nje force politike, e cila ka nje elektorat te konsiderueshem qe shkon nga 8 deri ne 10%. Sipas Berishes, duke qene se Kodi Zgjedhor eshte ende ne diskutim, do te ishte mire qe te gjendej konsensus edhe per perfshirjen e sa me shume partive ne proces, per ta bere ate sa me transparent. "Kodi Zgjedhor eshte ne diskutim. Dua te jem fare i hapur dhe ftoj zotin Rama te deshmoje sens kompromisi me forcen politike, qe ka 8 deri ne 10 per qind te elektoratit. Nuk eshte ne interesin e vendit perjashtimi total nga perfaqesimi ne procesin zgjedhor i kesaj force politike" tha ai, duke shtuar se realitetin politik ne vend askush nuk mund ta mohonte. Sipas Berishes, kush mohon realitetin do te kete gjithmone probleme. Duke folur per LSI, kryeministri pranoi per here te pare demtimin qe ka marre kjo force politike nga fenomeni i Dushkut, i aplikuar gjate zgjedhjeve te vitit 2005. "Uroj dhe deshiroj te shqyrtohet mundesia e nje hapesire edhe per ate force, e cila eshte ndrydhur nga fenomeni i 'dushkut' dhe per kete duhet te jemi realiste", deklaroi kryeministri Berisha. Por nga ana tjeter, ai nuk ka munguar te deklaroje qarte se ai kishte nje marreveshje me Partine Socialiste ne lidhje me Kodin Zgjedhor dhe nuk do ta prishte kete marreveshje. Por serish Berisha nuk ngurroi te shtonte se nese kjo marreveshje do te zgjerohej me shume do te ishte me mire per vendin. "Normalisht nje ceshtje e tille nuk perbente nje objekt trajtimi, por jam i bindur se shpreh mendimin e mazhorances ne kete rast, ku duhet te perpiqemi te korrigjojme ndonje gje. Ne nuk dalim jashte teorise se gabimeve. Mundesia eshte per reflektim, prandaj te reflektojme. Nuk kam asnje qellim tjeter, por vetem perfshirjen. Ne kemi nje konsensus me PS-ne dhe kete nuk e mohoj, por nese e zgjerojme me shume do te ishte mire per vendin," u shpreh kryeministri Berisha.
Berisha pranoi dje se ai kishte qene i lenduar edhe nga greva e urise e cila eshte zhvilluar pak jave me pare nga 10 deputete per te kundershtuar miratimin e Kodit Zgjedhor. Sipas tij, 10 deputete ne greve urie ishte nje lendim dhe perbente nje lajm aspak te favorshem per vendin.
8-10 Per qind E konsideroi kryeministri Berisha peshen e elektoratit te Levizjes Socialiste per Integrim ne vend. Sipas kreut te mazhorances, kjo force politike nuk mund te perjashtohej nga nje proces i rendesishem si numerimi i votave.
2005 Viti Qe kryeministri Berisha i mori si shembull per te deklaruar se LSI-i ishte edhe forca politike, e cila kishte dale me e humbura nga fenomeni i Dushkut. Sipas Berishes kjo parti nuk mund te vazhdoj te diskriminohet.