Rama inspekton punimet në rrugët pranë qendrës

Me qëllim përballimin e flukseve të trafikut, dhe lehtësimin e lëvizjes deri në përfundimin e rrjeteve rrugore kryesore të unazës së vogël por edhe unazës së madhe është drejt përfundimit rikonstruksioni i rrugës "Abdi Toptani". Rehabilitimi i sheshit Skëndërbej është një nga projektet me ambicioze dhe të rëndësishme të bashkisë së Tiranës. Kryetari i bashkisë së Tiranës, Edi Rama ka ripërsëritur edhe një herë faktin se qeveria është shkaku kryesor për vonesat në realizimin e këtij projekti të madh, sepse nuk po bën shpronesimin.
Njëkohësisht po punohet edhe për rikonstruksionin e rrugëve "Bardhok Biba", 'Urani Pano" dhe rruga pas Pallatit të Kulturës, që do mundësojnë përballimin e flukseve të trafikut, gjatë punimeve për rikonstruksionin e sheshit Skëndërbej.