Rama prezanton programin, opozita le sallen
Kryeministri i mandatuar, Edi Rama prezantoi dje ne Kuvend programin qeverises per kater vitet e ardhshme. Ne prezantimin e tij ne Kuvend, Rama premtoi reforme ne institucionet e pavarura dhe lufte kunder korrupsionit. “I yni eshte nje mandat qe na eshte dhene, qellimisht, i blinduar nga populli sovran, deri ne pragun e shumices se cilesuar; per te bere me vizion, kuraje, ritem te larte, reforma te medha te shtetit dhe per te mos i ngritur duart lart para popullit qe kerkon drejtesi, duke u mjaftuar me shprehjen “Prokuroria eshte e pavarur, Gjykatat jane te pavarura”,- tha Rama. Lidhur me ceshtjen e kthimit te prones, Kryeministri i mandatuar u shpreh se do te zbatohet ne menyre te plote ligji 7501. “Do te zgjidhim ceshtjen e prones, zotohemi per zbatimin e plote te ligjit 7501”, tha Rama. Kryeministri i mandatuar Edi Rama u shpreh se mandati i se majtes nuk eshte marre per te amnistuar krimet. “Nuk kemi mandat te harrojme krimet qe jane bere. Nuk do harrojme qytetaret e vrare ne Gerdec, politikanin e vrare ne oborr, ata te vrare ne bulevard dhe komisaret e vrare ne krye te detyres. Ne do te krijojme kushtet qe policet dhe prokuroret te bejne detyren e tyre. Mandati nuk na eshte dhene per te amnistuar krimet”,- tha Rama. Kreu i PS-se u shpreh se mandati qeverises “na eshte dhene per te bere transparence te plote per krimin ekonomik dhe katrahuren e bere me pronat private, per te mos lejuar qe cfare eshte bere keq per vendin te behet edhe me keq, ne dem te njerezve te pambrojtur”. Kryeministri i mandatuar ka vleresuar si shenje te reformave edhe faktin qe ministrat nuk do te jene deputete. “Ministrat tane do te punojne per qytetaret. Ata nuk do te jene ne kontakt me deputetet, ne menyre qe te jene sa me prane detyres se tyre. Me modelin e qeverisjes britanike ky vend do te ngreje koken larte”,- ka thene Rama. Gjate fjales se tij, Rama ka folur dhe per marredheniet me opoziten. “Vij te marr detyren me ndjenjen e nje perulje, qe ndoshta nuk do e kisha pasur me nje fitore normale. Vij i pergatitur per ti thene opozites se marr persiper qe te siguroj ato qe deri dje na u mohua ne opoziten, qe sot nuk do i mungoje opozites. Opozita do te jete pjese e vendimeve te ketij Kuvendi. Ne do te dialogojme dhe do te udheheqim”,- u shpreh Rama. Lidhur me punesimin, Rama tha se “ne Shqiperi do te kete punesim real, nuk do te kete mashtrime. Do te kete ulje te taksave, do te mbeshtesim te varfrit, do te kete me teper para ne xhep per shqiptaret”. Lidhur reformat ne arsim, Rama tha se do t’i kthehet sistemit arsimor liria. “Jemi zotuar t'i kthejme shkolles lirine, solidaritetin mes prinderve dhe mesuesve. “Reforme ne arsimin profesional, ne bashkepunim me biznesin, si dhe do te ndryshojme rrenjesisht arsimin e larte”,- tha Rama.