Rama takohet me guvernatorin Ardian Fullani

Kryetari i Partisë Socialiste Edi Rama vijon takimet me krerët e institucioneve më të rëndësishme të vendit.

Kryeministri i ardhshëm do të takohet në orën 11:00 me guvernatorin e Bankës së Shqipërisë Ardian Fullani ndërsa pritet që në fokus të bisedimeve të jetë gjendja ekonomike në vend.

Tre ditë më parë, nga Asambleja Kombëtare, kryeministri i ardhshëm Edi Rama premtoi auditimin ndërkombëtar të ekonomisë së vendit, sipas modelit sllovak të dhënat e të cilit, sipas tij mund të rezultojnë tronditëse.