Rama takon ministrat e zgjedhur te PS-se

Një ditë pasi bëri publik emrat e ministrave të Qeverisë që pritet të drejtojë, kryetari i Partisë Socialiste, Edi Rama, zhvilloi edhe mbledhjen e parë me një pjesë të kabinetit të tij. Në takimin informal që zgjati rreth 1 orë, nuk ishin prezentë ministrat e Lëvizjes Socialiste për Integrim. Nuk behet e ditur zyrtarisht tema e bisedes, por mësohet se Rama i ka dhënë një sërë këshillash ministrave të tij, të cilët do të mbajnë këtë post për herë të parë. Burimet bëjnë të ditur se Kryeministri i ardhshëm është fokusuar më shumë tek administrata e ardhshme e secilit dikaster, duke kërkuar nga ministrat që të fillojnë menjëherë nga puna për ndërtimin e strukturës dhe pikasjen e ekspertëve që duan në dikasteret që do të drejtojnë.