Rama takon zyrtaren e DASH: SHBA mbështetje të plotë Ballkanit të Hapur
Kryeministri Edi Rama ka mbajtur një takim me Ndihmës Sekretaren Amerikane të Shtetit për Europën dhe Euro-Azinë, Karen Donfried.
Reformat, veto e Bulgarisë ndaj Maqedonisë së Veriut dhe Ballkani i Hapur ishin disa prej temave të cilat u diskutuan në takimin mes Ramës dhe zyrtares së lartë të DASH.
Kjo e fundit i shprehu kreut të qeverisë konsideratat e larta për rolin që luajti vendi ynë në Këshillin e Sigurimit, ku Shqipëria u përfaqësua nga Ministrja Olta Xhaçka mbi llogaridhënien për krimet e kryera në Ukrainë.
Postimi i Plotë:
Kryeministria – Me Ndihmës/Sekretaren Amerikane të Shtetit për Europën dhe Euro-Azinë, Karen Donfried
Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur.
Konsideratat e Ndihmës/Sekretares për rolin e Shqipërisë në Këshillin e Sigurimit dhe në rajonin tonë ishin mbresëlënëse.
/rtsh.al/