Ramires bëhet tifoz
Mesfushori i Chelseas, Ramires është zotuar të përkrah nga tribuna skuadrën e tij në finalen e Ligës së Kampionëve të shtunën.
Reprezentuesi brazilian do të mungojë në duelin kundër Bayern Munichut për shkak të suspendimit. Por, ai do të ketë një rol të ri.
“Dua të shërbej me energjinë time në ndihmë të ekipit. Do të jetë vështirë të shikoj finalen nga tribunat, por nëse duhet të llogaritim ndjenjën, atëherë jam shumë optimist. Do të jem tifozi më i madh në botë”, deklaroi Ramires për Daily Telegraph.