Reeker në takim me kreun socialist, Edi Rama

Philip Reeker

Zëvendës Ndihmës Sekretari amerikan i Shtetit për Çështje të Europës dhe Euroazisë,Philip Reeker vazhdon edhe sot qëndrimin e tij në Tiranë, ndërsa ka nisur një takim me kreun e Partisë Socialiste, Edi Rama në selinë rozë.

Zyrtari amerikan dhe kreu socialist pritet të mbajnë një konferencë të përbashkët për shtyp pas takimit, ku ti përgjigjen edhe interesit të gazetarëve.

Reeker ka zhvilluar një serë takime me liderët më të lartë politik në vend, përfshirë edhe drejtuesit e dy partive më të reja në spektrin politik shqiptar, FRD-në e Bamir Topit, dhe Aleancën Kuq e Zi të Kreshnik Spahiut.