Reforma zgjedhore, pro takimit me Ramen

Fatjona Mejdini
Partia Demokratike eshte e gatshme dhe mirepret nje takim me kreun e Partise Socialiste per reformen zgjedhore, ndersa do te kete mirekuptim te plote per kerkesat e saj dhe opozites ne teresi. Pohimi eshte bere publik dje nga titullari i PD Sali Berisha, gjate nje konference me gazetaret ne Kryeministrine qe ai drejton prej afro tre vjetesh. Berisha u
shpreh i gatshem te takoje Edi Ramen i cili eshte njekohesisht dhe kryetar i bashkise se Tiranes, nisur nga nevoja e perfundimit te reformes zgjedhore. Ne kete menyre kryetari i partise ne pushtet, iu pergjigj pozitivisht edhe fteses se ardhur nga PS. Kjo e fundit, sipas deklarates se djeshme te Kastriot Islamit, eshte e interesuar per bisedime dypaleshe me PD-ne, ne lidhje me kete reforme te rendesishme per integrimin e vendit.
Duke shprehur bindjen se mazhoranca dhe opozita kishin afersisht qendrime te njejta ne lidhje me kete reforme, Berisha nuk perjashtoi as diskutimet me kreun e PS-se per kete ceshtje. “Jam plotesisht i hapur edhe per nje takim me kreun e PS-se. Ne ceshtjet e zgjedhjeve, opozita ka qene, eshte dhe do te mbetet nje nga zerat me kryesore”, vleresoi Berisha gjate konferences per shtyp. Duke u ndalur ne kete reforme, realizimi i te ciles eshte edhe nje kusht per pranimin ose jo te Shqiperise ne NATO, Berisha deklaroi se mazhoranca dhe opozita nuk kane dallime substanciale. Sipas tij, te dy palet ishin dakord se per te kryer kete reforme duheshin kartat e identitetit dhe eliminimi i dukurise se Dushkut.
Berisha mori ne analize objeksionet e partise me te madhe ne opozite, PS, duke deklaruar: “Opozita pretendon kartat e identitetit dhe ka plotesisht te drejte, ky eshte edhe pretendimi yne. Pasaportat, listat elektronike, anti-Dushku, pra jemi te bashkuar te gjithe ne keto. Ndaj, te me pyesni mua se ku ndahemi, te jem i sinqerte, nuk e di”. Ne kete pike, Berisha shtoi se mazhoranca do te tregohej tolerante me opoziten ne lidhje me kete reforme.
Nderkohe, i pyetur nga “Koha Jone”, mbi preferencen e mazhorances ne lidhje me sistemin zgjedhor ne vend, kryeministri refuzoi te jepte nje pergjigje te drejtperdrejte. Megjithate, duke pranuar se realisht mazhoranca kishte propozimet e saja per kete reforme, Berisha theksoi se perseri bisedimet mbi sistemin nuk do te krijonin tensione. “Nuk eshte se PD nuk ka propozime, sikunder PD eshte e gatshme te degjoje propozime. Ne vleresimin tim, reforma zgjedhore do te kaloje pa asnje lloj tensioni”, siguroi Berisha.

Pikat e perbashketa:
Kartat e identitetit
Pasaportat
Listat elektronike
Anti-dushku

Islami kerkoi takimin
Bashkekryetari socialist i komisionit per reformen zgjedhore, Kastriot Islami dy dite me pare kerkoi qe mes kryeministrit Berisha dhe kreut te PS-se, Edi Rama te zhvillohej nje takim ne lidhje me reformen zgjedhore. Sipas Islamit, bashkepunimi i kerkuar me Partine Demokratike mund te behet ne te gjitha nivelet, madje edhe ne nivelin e dy kryetareve te partive kryesore. Ne nje prononcim per mediat, bashkekryetari socialist i komisionit per reformen zgjedhore theksoi nese lideri i PD-se, Berisha do te ishte i gatshem per kete takim atehere edhe PS do ti pergjigjej ne te njejtin nivel ketij takimi. Prej nje muaji komisioni parlamentar per reformen zgjedhore po vazhdon punen per kete reforme, por nga ana tjeter ende nuk jane diskutuar ceshtjet kryesore te kesaj reforme sic eshte edhe sistemi zgjedhor.