Rehabilitimi i tmerrshëm në Afganistan (Foto)

Kur të shihni fotografitë e njerëzve të lidhur me zinxhir, që mbijetojnë me nga një copë bukë dhe ujë pranë vetes, do të mendoni se bëhet fjalë për të burgosur që janë të dënuar për ndonjë krim të rëndë. Mirëpo, këta nuk janë kriminelë, por janë shembull i rehabilitimit në mënyrën afgane.

Kështu në Afganistan lirohen nga demoni

Burrat që lëngojnë në kushte të tilla të mjerueshme faktikisht janë aty me qëllim që të shërohen nga sëmundjet mendore, varësia nga droga, apo edhe si të dyshuar se janë të obsesionuar nga fuqi keqbërëse.

Gjatë periudhës së rehabilitimit jetojnë duke u ushqyer me bukë dhe ujë

Ekziston bindja se qëndrimi 40 ditor në faltoren Mia Ali Baba në Jalalabad, ku janë të lidhur me zinxhir dhe jetojnë vetëm me bukë e ujë, do tiu ndihmojë që të lirohen nga demonët.

Rreth 60 për qind e afganëve vuajnë nga çrregullimet psiqike

Shumë afgan janë aq të varfër sa që nuk kanë mundësi as për shërbimet më elementare mjekësore, prandaj familjet e dëshpëruara kërkojnë shpëtim në vendet siç është ky altar 300 vjet i vjetër, me shpresë se në këtë mënyrë do tu ndihmojnë më të dashurve të tyre që të shërohen.

Çdo lloj bisede në këtë qendër është e ndaluar

Sipas vlerësimeve të Qeverisë, rreth 60 për qind e afganëve vuajnë nga çrregullimet psiqike, por shumica prej tyre nuk kanë mjete për mjekim.

Nabiulah Safi (23), i varur nga narkotikët, në qelinë e tij 

Meshkujt e mbyllur në qeli të vogla dhe pa dritare vetëm mund të pastrojnë duart dhe fytyrën. Biseda është rreptësisht e ndaluar, ndërsa guxojnë të dalin nga qelia vetëm për të kryer lutjet dhe për të shfrytëzuar banjon, edhe këtë vetëm atëherë kur rojet do të kenë vlerësuar se gjendja e tyre është përmirësuar.

Rojet respektojnë traditat e Ali Babës

Rojet thonë se vetëm respektojnë traditën të cilën e ka vendosur Ali Baba, një personazh historik sipas të cilit vendi i rehabilitimit ka marrë emrin. Mendohet se Ali Baba ka ruajtur të sëmurët mendor atëherë kur të gjithë i kishin braktisur. Një roje thotë se ka parë qindra njerëz që kanë pranuar se në këtë qendër rehabilitimi janë shëruar.