Rehn: Kosova jo ‘vrimë e zezë’ në Ballkan

Bruksel-Komisioneri për Zgjerim i BE-së, Olli Rehn deklaroi dje në Bruksel, se Bashkimi Evropian do të gjejë mundësi praktike dhe pragmatike për të mos lejuar që Kosova të mbetet si një “vrimë e zezë” në rajon dhe në Evropë. Deklaratat e Rehn erdhën pas një takimi me gazetarë, ku pritet të zhvillohet takimi i radhës i ministrave të Jashtëm të BE-së, i cili të premten dhe të shtunën do të mbahet në Pragë, ku pritet të diskutohet edhe për Ballkanin Perëndimor.

Rehn ka nënvizuar se është me rëndësi të veçantë që Ballkani përsëri është në axhendën e ministrave të BE-së, pasi deri më tash kanë dominuar si tema kriza financiare dhe problemet me të cilat po përballet Evropa.