Renta Minerare, Mirdita kërkon më shumë të ardhura – Mëlyshi: Zona me pasuri të mëdha nëntokësore, por pak përfitime për bashkinë

Si një zonë me pasuri të shumta nëntokësore, Mirdita po përfiton shumë pak nga shfrytëzimi i tyre. Kryetari i Bashkisë Mirditë, Albert Mëlyshi, kërkon rritje të të ardhurave nga renta minerare për njësinë vendore që ai drejton.

“Po themi rastin e vitit 2026, nga renta minerare e shfrytëzimit 2025 është kthyer në Mirditë në shifrën 120 mijë lek të reja mund të shkojë mbi 50 milion euro që i vilen Mirditës në vit”, tha Mëlyshi.                                                                       

Mëlyshi thotë se një nga problemet kryesore mbetet mungesa e kontrollit nga institucionet përgjegjëse mbi aktivitetin real të këtyre kompanive.

“Ajo çka ndodh shpesh është fakti nuk kontrollohen sa duhen nga qeveria për mënyrën se si ato e kanë aktivitetin ekonomik të tyre”, tha ai.

Sipas legjislacionit aktual, vetëm 5% e të ardhurave nga renta minerare u kalon njësive vendore për investime lokale dhe shërbime publike. Për Mëlyshin, kjo përqindje është e pamjaftueshme.

/rtsh.al/