Reshje shiu intensive gjatë 24 orëve, IGJEO: Ja qarqet më të prekura

Pasdite e kësaj të mërkure dhe të enjtes, sipas Institutit të Gjeoshkencave, priten reshje mesatare deri lokalisht intensive në qarqet Shkodër, Vlorë dhe Gjirokastër, ndërsa në qarqet Kukës, Fier, Berat dhe Korçë priten reshje të dobëta deri lokalisht mesatare, të shoqëruara me shtrëngata.

Sipas IGJEO, në 24 orët në vijim, reshje të dobëta priten edhe në qarqet e tjera.

Temperaturat do të pësojnë ulje ditën e enjtes me gati 3 gradë Celsius.

Sipas parashikimeve, temperaturat minimale do të jenë 1 gradë, ndërsa ato maksimale jo më shumë se 15 gradë Celsius.

Ndaj, në lartësitë mbi 1 mijë m nga niveli i detit, reshjet do të jenë në formë dëbore, jo vetëm në Veri, por edhe në Lindje dhe Juglindje të vendit.

TEMPERATURA Nesër (e enjte, dt. 05) temperaturat minimale dhe maksimale të ajrit pritet të arrijnë:

• në bregdet: 10 / 15 °C
• në vendet e ulëta: 8 / 15 °C
• në vendet malore: 1 / 11 °C

Shqetësuese pritet të jetë parametri i erës, sidomos në Jug dhe në bregdet, ku era do të fryjë mesatare deri e fortë. Lundrimi i anijeve të vogla dhe ato të peshkimit vijojnë të jenë të pezulluara.

ERA Sot pasdite (e mërkurë, dt. 04) era pritet të fryjë mesatare deri e fortë kryesisht në Jug dhe në bregdet, ndërsa nesër (e enjte, dt. 05) era pritet të fryjë e lehtë deri mesatare.

Sipas parashikimeve, kjo gjendje do të vijojë deri të enjten, kur edhe era pritet të reduktohet në det të hapur.