Retro/Histori: 26 nëntor 43 p.K. Triumvirati i Dytë

Triumvirati i Dytë është emri që historianët i kanë dhënë aleancës politike zyrtare mes Gaius Julius Caesar Octavianus (më vonë i njohur si Augustus), Marcus Aemilius Lepidus, dhe Mark Antony-t, të formuar më 26 nëntor të vitit 43 para Krishtit. Triumvirati ekzistoi për dy mandate pesëvjeçare dhe, ndryshe nga i pari, ishte një institucion zyrtar i vendosur ligjërisht, pushteti i fortë i të cilit mbi shtetin romak ishte sanksionuar plotësisht dhe ia kalonte të gjitha niveleve të tjera, përfshirë konsujt. Triumvirati u vendos ligjërisht në vitin 43 p.K. si Triumviri Rei Publicae Constituendae Consulari Potestate me akronimin III VIR RPC. Triumvirati zotëronte pushtet politik suprem. E vetmja zyrë e mëparshme që kishte pasur autoritetin e “konfirmimit të Republikës” ishte diktatura e Lucius Cornelius Sulla. Kufizimi i vetëm i Triumviratit ishte mandati pesëvjeçar i paracaktuar me ligj.