Revista greke krijon incident diplomatik
Një revistë greke ka krijuar një incident diplomatik ditën e shtunë, ndërsa doli në shtyp me një kopertinë në të cilën Kancelarja e Gjermanisë, Angela Merkel, ishte portretizuar si një oficere naziste.
Jo vetëm kaq, por revista ekspozoi posterin e saj me këtë kopertinë në disa prej zonave më të dukshme të qëndrave më të mëdha të banuara. Ambasada Gjermane në Athinë ka reaguar duke e cilësuar gjestin si “të turpshëm”, ndërsa pritet një reagim edhe nga Ministria e Jashtme.
Revista, në brendësinë e saj, pretendon se plani që iu imponua Greqisë nga Merkel, është më i keq se pushtimi që gjermanët i bënë vendit gjatë Luftës së Dytë Botërore.
Sipas artikullit, falja e gjysmës së borxheve nuk do të sjellë asnjë ndryshim, duke qenë se “Greqia nuk do të ishte asnjëherë në gjendje që t’i paguante gjithsesi”.
Pranimi i planit për shkurtime masive në administratë, në paga dhe pensione, bashkuar me detyrimin për të dhënë me koncension shumë prej pasurive publike, konsiderohet prej revistës si një “pushtim i dytë i vendit”.
Ajo gjithashtu lëshon një sulm të ashpër ndaj Kryeministrit Papandreu, të cilin e ironizon për deklaratën e dhënë pas marrëveshjes së arritur ditën e shtunë, kur ai tha publikisht: “Shpëtuam”. Në një tjetër karikaturë, Kryeministri shfaqet duke përshëndetur Merkelin me “Heil Hitler”.
Sipas revistës, “Papandreu dhe bijtë e tij kishin shpëtuar që kur lindën, por ata që rënohen janë brezat e ardhshëm të grekëve, që nuk kanë asnjë faj për shpenzimet e jashtëzakonshme të politikanëve të paaftë dhe të korruptuar”.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Bllokohet pretenca e Gërdecit
Babai i fëmijës së vrarë, apel presidentit: Bëni drejtësi
Obama përshëndet paktin; Sarkozy: Gabim që pranuam Greqinë
Berisha përuron rrugë në Tropojë
Shtyhet ekstradimi i Ilir Kumbaros
BE kërkon investim kolosal nga Kina