Revolucioni amerikan tentohet pushtimi i Wall Street
Disa qindra të rinj kanë dalë në rrugë në distriktin financiare të New Jork-ut me motivimin për të pushtuar bursën e Wall Street, në atë që e cilësojnë Revolucioni amerikan. Një protestë e veçantë kjo, e frymëzuar nga të indinjuarit në Spanjë e Greqi, por që ndryshe prej tyre duket e corganizuar dhe me disa objektiva që nuk duket se kanë shumë lidhje me njëra-tjetrën. Të rinjtë marshuan në rrugë, në Manhatanin e poshtëm, në një protestë kundër planit të shpëtimit të bankave, krizën e hipotekave dhe së fundmi, ekzekutimin e Troy Davis në Xhorxhia.
Policia tha se të paktën 80 persona janë arrestuar gjatë marshimit të fundit, ndërsa lëvizja “Të pushtojmë Wall Street” ka hyrë në javën e dytë. Mes të ndaluarve, disa akuzohen për sjellje të parregullt dhe për rezistencë në momentin e arrestimit. Një prani e lartë e forcave të sigurisë ka shoqëruar protestën, me policë të vendosur në grupe përgjatë blloqeve të ndërtesave në rrugët kryesore që të cojnë në bursën e New Jork-ut.
Në Union Square, policia është përpjekur të rrethojë manifestuesit duke përdorur kordonë plastikë ngjyrë portokalli. Grupi thotë se është duke mbrojtur 99 për qind të popullsinë amerikane kundër 1 përqindëshit të të pasurve. Në një deklaratë të lëvizjes, thuhet se protetsuesit kanë qëllim të rikthejnë Shtetet e Bashkuara në duart e qytetarëve të saj.
Të frymëzuar nga lëvizje të ngjashme në Madrid, Kajor e Tunizi, ata thonë se do të ngrenë kampin e tyre në Zukoti Park, në afërsi të Wall Street, derisa t’u plotësohen kërkesat.
Juli Prifti
Policia tha se të paktën 80 persona janë arrestuar gjatë marshimit të fundit, ndërsa lëvizja “Të pushtojmë Wall Street” ka hyrë në javën e dytë. Mes të ndaluarve, disa akuzohen për sjellje të parregullt dhe për rezistencë në momentin e arrestimit. Një prani e lartë e forcave të sigurisë ka shoqëruar protestën, me policë të vendosur në grupe përgjatë blloqeve të ndërtesave në rrugët kryesore që të cojnë në bursën e New Jork-ut.
Në Union Square, policia është përpjekur të rrethojë manifestuesit duke përdorur kordonë plastikë ngjyrë portokalli. Grupi thotë se është duke mbrojtur 99 për qind të popullsinë amerikane kundër 1 përqindëshit të të pasurve. Në një deklaratë të lëvizjes, thuhet se protetsuesit kanë qëllim të rikthejnë Shtetet e Bashkuara në duart e qytetarëve të saj.
Të frymëzuar nga lëvizje të ngjashme në Madrid, Kajor e Tunizi, ata thonë se do të ngrenë kampin e tyre në Zukoti Park, në afërsi të Wall Street, derisa t’u plotësohen kërkesat.
Juli Prifti