Rikthimi i dados McPhee

Këtë herë, dadoja MvPhee do të ndihmojë një nënë të re, e cila nga ana e saj, përpiqet me mund të mbajë familjen diku në një fermë, ndërkohë që bashkëshorti ndodhet larg në luftë. Dadoja do të përdorë aftësitë magjike me anë të së cilave do t’ju mësojë fëmijëve dhe dy kushërinjve të tyre trazovaçë, pesë rregulla të reja. Nga Express më 13 gusht 2011 në ora 14:33

Emma Thompson është kthyer, me lyth, me dhëmbë të shtrembër, për t’ua mësuar fëmijëve disa mësime të mira, sidomos për ata fëmijë që nuk i kanë prindërit në shtëpi apo janë diku tjetër. Ky është rikthimi i filmit britanik me titull “Nanny McPhee and the Big Bang”, i cili ka edhe pjesë të tjera me personazh të njëjtë.

Në vitin 2005, pjesa e parë quhej “Nanny McPhee”, i cili kishte pasur një sukses të madh në debutimin e tij.

Me regjinë e Sussanna White, një veterane e televizionit që krijoi edhe filmat “Generation Kill” dhe “Bleak House”, ajo bën debutim fantastik në filmin e ri, duke paraqitur një skemë shumë të bukur koloriti, me tone komike që zhvillohet në një ambient të bukur natyror.

Një prind gjithmonë ka nevojë për ndihmën e një dadoje, dhe e veja e luftëtarit që luhet nga aktori Colin Firth, tani është duke luftuar për ta mbajtur gjallë fermën e saj, që luhet nga aktorja amerikane, Maggie Gyllenhaal. Gyllenhaal shihet se ka punuar shumë që t’i përshtatet skenarit, përderisa ajo luan me mjeshtëri në aksentin britanik. Ajo edhe vetë ka pranuar se e ka bërë këtë më mirë sesa ka pritur, ndërkaq bukur paraqitet edhe e reja Emma Thompson.

Thompson, e cila vet, ka bërë një rol të gjallë, edhe pse në fillim nuk i kishte pëlqyer karakteri i dados McPhee, është adaptuar mirë. Me një formulë që ajo arrin që t’i mësojë fëmijët duke mos lejuar që ata të bëjnë probleme sikurse kanë bërë më parë – duke luajtur kështu rolin e mirë të një dadoje që i mëson fëmijët si t’i respektojnë prindërit e tyre, duke u thurur atyre edhe rregulla të reja.

Një film i përzier me aktorë britanikë, duke përfshirë këtu Ralph Fiennes dhe befasinë, aktoren Maggie Smith, normalisht se kemi një film të mirë që mund të quhet rikthim i fuqishëm i dados McPhee. Këtu paraqiten mirë edhe aktorët fëmijë si Asa Butterfield, Eros Vlahos e Rosie Taylor-Ritson. Mjeshtëritë e tyre tregojnë se ata mund të jenë aktorë të mirë në vitet që do të vijnë. Filmin mund ta shikoni nga e hënë në të diel në kanalin DigiGold që në Kosovë e sjell IPKO.

NANNY MCPHEE RETURNS
Regjia: Susanna White; skenari: Emma Thompson, bazuar në karakteret e “Nurse Matilda”, libër për fëmijë nga autori Christianna Brand; drejtor i fotografisë: Mike Eley; montazha: Sim Evan-Jones; muzika: James Newton-Howard; dizajner: Simon Elliott; kostumet: Jacqueline Durran; producentë: Lindsay Doran, Tim Bevan dhe Eric Fellner; Distributor: Universal Pictures. Kohëzgjatja: 1 orë e 48 minuta.
Aktorë: Emma Thompson (Nanny McPhee), Maggie Gyllenhaal (Mrs. Green), Rhys Ifans (Phil), Maggie Smith (Mrs. Docherty), Ralph Fiennes (Lord Gray), Asa Butterfield (Norman), Lil Woods (Megsie), Oscar Steer (Vincent), Rosie Taylor-Ritson (Celia) dhe Eros Vlahos (Cyril).