Rinovimi i strukturave te PD-se vetem vitin e ardhshem
Partia Demokratike pritet ti riperterije strukturat e saj drejtuese qendrore ne fillimin e vitit 2011. Mbledhja e Keshillit Kombetar te kesaj partie qe duhet te ishte mbajtur nje vit me pare pritet te behet ne fillimin e vitit te ardhshem per te bere te mundur zgjedhjen e kryesise se re dhe sekretariatit qendror te saj. Burimet prane PD-se bejne te ditur se perzgjedhja e kryesise se re do te perkoje edhe me kohen kur partia me e madhe ne pushtet do te perzgjedhe kandidaturat e saj per kryetaret e bashkive dhe komunave te vendit ne kuader te zgjedhjeve lokale te cilat do te mbahen me 8 maj. Kjo edhe per faktin se Kryesia aktuale e PD-se nuk ka tagrin e duhur per te zgjedhur kandidaturat e demokrateve per lokalet nisur nga fakti se ajo duhet te ishte rizgjedhur nje vit me pare nga anetaret e Keshillit Kombetar. Te perzgjedhurit e bazes demokrate per zgjedhjet lokale te majit jane te detyruar te kalojne permes filtrave te kryesise se re. Shtyrja e zgjedhjes se strukturave te reja drejtuese te demokrateve mesohet se ka ardhur per shume arsye dhe nder me kryesorja artikulohet te jete ajo e kohes se munguar te drejtuesve te PD-se te cilet prej me shume se pese vitesh po qeverisin vendin. Pergatitja e qeverise per nje sere detyrimesh ne marredheniet e saj me partneret nderkombetare dhe ngerci politik qe prej me shume se nje viti eshte nje barre per mazhorancen kane qene arsyet e shtyrjes se mbledhjes se Keshillit Kombetar demokrat. Nga ana tjeter zgjedhjet lokale ne sfond jane nje arsye e mire per te bere nje rifreskim te strukturave te PD-se per ti dhene edhe energjine e duhur fushates elektorale per vendoret 2011. Nje arsye tjeter e cila con ne koordinimin e zgjedhjeve ne kryesi dhe ne sekretariat me perzgjedhjen e kandidaturave te PD-se per zgjedhjet vendore lidhet me faktin se nga keto dy procese pritet te burojne edhe pakenaqesi. Ne kete kuader do te ishte me e udhes per partine ne pushtet qe pakenaqesite qe zakonisht shoqerojne procese te tilla perzgjedhese te unifikoheshin ne nje kohe.
Sa i perket ceshtjeve procedurale te perzgjedhjes se strukturave drejtuese te PD-se kryetari i partise Sali Berisha do ti paraqese Keshillit Kombetar listen me 38 kandidatura per kryesine e re mbi te cilen anetaret e ketij keshilli do te zgjedhin me votim te fshehte 25 anetaret e kryesise se re te demokrateve. Sipas statusit te drejten per ti bere propozime e ka edhe vete ky keshill Kryesia e PD-se kryesite e degeve dhe jo me pak se 15 e anetareve te Kuvendit Kombetar me te drejte vote te shperndare ne te pakten pese dege te PD-se. Pervec ceshtjeve teknike te menyres se percaktimit te kandidaturave mesohet se favorite per te qene pjese e kryesise jane edhe 30 emrat e pare me te votuar te Keshillit Kombetar. Pavaresisht emrave favorite gara per kryesine e re te demokrateve pritet te ofroje edhe surprizat e saj. Rinovimi dhe shtimi i posteve pritet te ndodhe edhe ne sekretariatin e Partise Demokratike. Por duket se nuk do te kete asnje ndryshim ne emrat kryesore te kryesise aktuale dhe emrat qe mbajne postet e Sekretarit te Pergjithshem dhe dy nenkryetareve demokrate. Kjo pritet te ndodhe edhe per faktin se PD nuk pranoi ne mbajtjen e Kuvendit Kombetar te saj ndarjen e posteve ne qeveri nga ato partiake.