Ristani: KQZ, te henen do te shpalle zyrtarisht fituesit

Komisioni Qendror i Zgjedhjeve do te shpalle te henen, rezultatet zyrtare te zgjedhjeve te 28 qershorit. Kryetari i ketij komisioni, Arben Ristani, tha dje se me mbylljen e procesit te shqyrtimit te ankesave kunder rezultatit ne Kolegjin Zgjedhor, KQZ do te shpalle zyrtarisht fituesit e zgjedhjeve. "KQZ deri me tani, ka bere shperndarjen e nente qarqeve, nderkohe qe pritet te behet ai per Fierin, Tiranen, qe eshte ne ankimim dhe Shkodren qe mbaroi. Ne kete menyre, dita e hene do te jete afati i fundit per te dhene ne kete menyre, certifikimin e plote te ketyre zgjedhjeve", tha Ristani. Ai sqaroi se vendimet e Kolegjit Zgjedhor ne Gjykaten e Apelit per rezultatin e zgjedhjeve, jane te formes se prere dhe cdo gje mbi procesin, tashme u mbyll. Cdo force politike, e cila ka ende ankesa ndaj rezultatit te zgjedhjeve, nuk mund te kundershtoje me, as te ankohet per to. Me mbylljen e procesit te ankimimit, KQZ-se, i mbetet vetem te shpalle zyrtarisht fituesit. Ne fakt nje proces i tille duhet te ishte mbyllur kohe me pare. Madje ne Kodin Zgjedhor, theksohet se rezultati shpallet ne oren 17:00 te dites se neserme te zgjedhjeve, pra ne 29 qershor, por nje afat i tille nuk mundi te arrihej.