Zgjedhjet, PS mbledh te marten Asamblene
Partia Socialiste mbledh javen e ardhshme Asamblene Kombetare te saj ku do te dilet me nje qendrim politik te kesaj force politike lidhur me rezultatet e zgjedhjeve te 28 qershorit. Mbledhja eshte parashikuar te mbahet te marten e javes se ardhshme, ne oren 11.00, vetem nje dite pasi Komisioni Qendror i Zgjedhjeve te shpalle rezultatet perfundimtare te zgjedhjeve. Percaktimi i ketij qendrimi eshte pika e pare e rendit te dites ne axhenden e punimeve te mbledhjes se Asamblese se socialisteve. Forumi i larte pritet te percaktoje dhe daten e kongresit te jashtezakonshem te Partise Socialiste. I cili do te diskutoje dhe do te vendose me sa duket mbi te ardhmen e lidershipit te Partise Socialiste. Mbledhja e forumeve me te larta te selise roze behet pas zgjedhjeve te 28 qershorit ku PS nuk arriti te fitoje dot mandatet e nevojshme per te qeverisur vendin si dhe ne kushtet kur brenda kesaj selie jane artikuluar qarte zerat qe kerkojne doreheqjen e kreut socialist, Edi Rama. Thirrja me urgjence e kesaj mbledhjeje me sa duket ka ardhur dhe si nevoje per tejkalimin e situates, pas rrezimit ne bllok te ankesave per rinumerim ne Tirane dhe Shkoder. Por duket se pika me e nxehte e kesaj mbledhje eshte thirrja e anetareve te saj. Edlira Haxhiymeri shpjegoi per mediat se ajo eshte njoftuar ne rolin e sekretares se Asamblese dhe konfirmon qe do jete prezent. Por nderkohe Elmaz Sherifi, deklaron se nuk eshte njoftuar. Sipas tij rregullorja e Asamblese e ben anetar te drejtperdrejte cdo deputet. Sherifi ishte deputet i legjislatures qe sapo lame, por sipas ligjit te parlamentit, mandati i tij skadon me 4 shtator kur bejne betimin deputetet e rinj. Dhe ne fakt sipas te dhenave njoftimi per te marre pjese ne Asamble eshte bere per deputetet e rinj qe nuk kane bere betimin dhe kjo per ata te vjetrit cilesohet shkelje e rregullores se Asamblese. Kjo mund te krijoje nje situate jo normale gjate zhvillimit te Asamblese qe te pakten sipas Elmaz Sherifit pritet qe te jene prezent edhe deputete e vjeter dhe deputete e rinj.