Ristani: Partite te sjellin emrat e komisionereve
Partite Politike zvarrisin pergatitjen e zgjedhjeve parlamentare te 28 qershorit, duke mos dorezuar ne kohe emra e anetareve te komisioneve te zonave te administrimit zgjedhor. Ashtu sic ndodh rendom ne cdo proces zgjedhor dhe kete here, subjektet politike nuk respektojne afatet ligjore qe i kane caktuar vete, per ngritjen e komisioneve. I gjendur perballe kesaj situate, kryetari i Komisionit Qendror te Zgjedhjeve, Arben Ristani i beri apel dje, dy partive problematike asaj Socialiste dhe Republikane, te dorezojne sa me pare emrat e anetareve te komisioneve, ne menyre qe te vijne propozimet. "Ne po bejme vazhdimisht paralajmerimet, por deri tani nuk na kane ardhur emrat", u shpreh Ristani, duke vendosur si limit, daten 27 mars per dorezimin e te gjithe anetareve. Ne rang republike, duhet te ngrihen 66 komisione zonale te administrimit te zgjedhjeve. Funksionimi i menjehershem i ketyre komisioneve eshte i domosdoshem, pasi vijne te dytet ne radhe pas KQZ-se, per nga rendesia qe kane. Depozitimi i emrave te anetareve kerkohet per efekt te trajnimit te tyre nga KQZ, ne zbatim te drejte dhe korrekt te Kodit Zgjedhor. Po diten e djeshme, komisioni me i larte zgjedhor, miratoi dhe vendimin per sjelljen e policise dhe rolin ne diten e zgjedhjeve. Siguria ne 28 qershor, do te ruhet nga Policia e Shtetit dhe nepunesit e caktuar do te mbajne dokumente te vecanta identifikimi, per procesin zgjedhor. Per diten e zgjedhjeve, policia do te levize dhe me makina te posacme me shenja dalluese, ne sherbim te mbarevajtjes se procesit zgjedhor. R. Rapushi