Ristani: Rezultati i zgjedhjeve të hënën në drekë

Rezultati paraprak i zgjedhjeve lokale do të publikohet gjatë orës së drekës së ditës së hënë. Kështu ka deklaruar kryetari i KQZ-së Arben Ristani në një prononcim për “Ora News”. Sipas Ristanit në fillim do të nisë numërimi i votave për kryetarët e bashkive dhe këshillin bashkiak dhe më pas për kryetarët e minibashkive dhe këshilltarët e minibashkive.
 

Gjithashtu Kryetari i KQZ-së Arben Ristani ka deklaruar se qendrat e votimit do të vijojnë te jënë të hapura edhe pas përfundimit të orarit zyrtar në orën 19:00 nëse në do të ketë qytetarë të cilët dëshirojnë të votojnë.
 

Më tej Ristani ka theksuar se edhe pse trendi i votuesve ka qënë në rritje, pjesëmarrja në zgjedhje nuk do ta kaloj 50 përqindëshin.
 

Kreu i KQZ-së gjithashtu theksoi se problemet gjatë procesit të votimit ka qënë në rënie pasi sipas tij ka pasur një frymë mirëkuptimi mes dy përfaqëuseve të partive politike për të zgjidhur problemet.