Rivleresimet, policia nis verifikime ne terren

Rivleresimi i demeve te shperthimit ka sjelle dhe abuzimet e para. Policia e kryeqytetit ka nisur hetime ne lidhje me deklarimet e banoreve te Gerdecit dhe fshatrave te tjera per shtimin e demeve ne shtepite e tyre. Nje dite me pare eshte bere e ditur se deri me tani, jane konstatuar 50 raste abuzimesh gjate procesit te rivleresimit te shtepive te demtura nga shperthimi i fabrikes se cmontimit te municioneve ushtarake ne Gerdec. Ekspertet e seksionit te Krimit Ekonomik te Policise se Tiranes, kane verejtur ne proces-verbalet e banoreve shtim te fatures se demeve deri ne deklarimin e shtepive te pabanueshme, nderkohe qe sipas tyre gjendja eshte ndryshe. Burimet thane se, Krimi ekonomik do te hetoje cdo rast per te verifikuar nese abuzimet jane bere nga vete banoret apo ne bashkepunim me grupet e verifikimit. Nga ana tjeter Kryetari i Bashkise se Vores ka bere thirrje per banoret abuzues qe te terhiqen nga ankesat per rivleresim ne te kundert do te mbajne pergjegjesi ligjore se bashku me verifikuesit. Ne Bashkine e Vores nje dite me pare u pezullua procesi i rivleresimit te shtepive te demtuara. Krimi ekonomik hodhi dyshime per pazare mes banoreve dhe grupeve te verifikimit. Shkak i gjithe kesaj eshte bere fatura e larte financiare e rivleresimit qe kapi vleren e 10 milion eurove.