Ronaldo mungon 10 ditë
Ylli i Real Madridit, Cristiano Ronaldo, do të jetë jashtë fushës për të paktën dhjetë ditë.
Asi portugez ka pësuar një lëndim të shtunën mbrëma në ndeshjen Real Madrid - Atletico Madrid. Ronaldo u lëndua pas një startit nga ana e Perez.
Sipas “Marca”, portugezi do të qëndrojë jashtë fushës për dhjetë ditë.
Ai do të mungojë në sfidën që skuadra e tij do ta luajë në xhiron e ardhshme kundër Sporting Gijon, mirëpo ai do të jetë i gatshëm për “El Clasicon” ndaj Barcelonës, takim ky që luhet më 10 dhjetor në “Santiago Bernabeu”.