Rrahje masive mes shqiptarëve dhe maqedonasve në Tetovë

Tre persona janë arrestuar dhe disa të lënduar është bilanci i rrahjes midis një grupi të të rinjve maqedonas dhe shqiptarë dje në Tetovë.
SPB e Tetovës theksoi se pjesëtarët e dy grupeve që kanë qenë pjesë e incidentit janë të njohur për policinë si persona që prishin rendin dhe qetësinë.
Konfrontimi fizik ka ardhur pas një mosmarrëveshje dhe zënke verbale midis tyre. Gjithashtu, sipas policisë, disa pjesëtarë të grupeve konfrontuese kanë qenë nën ndikimin e alkoolit, ndërsa deri tani janë ndaluar në organet e rendit B.M dhe ZH.A, të nacionalitetit maqedonas dhe SH.M të nacionalitetit shqiptar.