Rrembimi i imamit, merren 54 vjet burg

Tirane- Gjykata e Apelit per Krimet e Renda denoi dje me 54 vjet burg, te akuzuarit per rrembimin ne vitin 2002 te imamit te Gostivarit, Irfan Idrizi. Ndonese dy seanca me pare prokurori i Apelit kerkoi rendimin e masave te denimit per te gjithe te pandehurit, madje duke deklaruar fajtor edhe te pandehurin Ngaip Musliu, ky i fundit mori serish pafajesi nga ana e togave te zeza. Ne vendimin e saj gjykata denoi me 12 vjet burg te pandehurin Masar Meli, me nga 11 vjet Korab Melin dhe Shkelqim Palushin, si dhe me 10 vjet burg per te pandehurit Beqir e Basri Shahu. Te pandehurit nje seance me pare kane bere me dije se nuk jane ata autore te rrembimit te imamit te Gostivarit, por persona te tjere. Per kete ata i kerkuan gjykates pafajesine e tyre. Sipas Prokurorise se Krimeve te Renda rezultoi se, me 2 dhjetor te vitit 2002, disa persona rrembyen ne Gostivar ( Maqedoni) imamin e qytetit, Irfan Idrizi, teksa ai ishte duke hipur ne makinen e tij. Nga hetimet dhe deshmite e te afermve te imamit, rrembyesit telefonuan ne familjen e tij dhe kerkonin ne kembim te pengut nje shume te konsiderueshme parash prej 1 milione euro, nderkohe qe, pengu ishte transportuar ne Kukes. Por, edhe pse u pagua kjo shume, Irfan Idrizi nuk u la i lire dhe ende nuk dihet fati i tij, nese eshte gjalle apo jo. Fillimisht me kete ceshtje u more Prokuroria e Shkodres dhe me pas, per shkak te rendesise, dosja kaloi per llogari te Prokurorise se Krimeve te Renda, e cila leshoi edhe urdher arrestet per te pandehurit e procesit. Sipas hetimeve gjashte te pandehurit, ne bashkepunim me njeri-tjetrin, kane marre peng dhe me pas zhdukur pa gjurme edhe sot e kesaj dite, Irfan Idrizin, me qellim gjobe venien ndaj familjes. Diten pas zhdukjes, sipas hetimeve te prokurorise, Nagip Musliu eshte informuar per zhdukjen e imamit, ndersa me pas eshte angazhuar personalisht me autorizimin e vellait te te humburit, Dalip Idrizi, per te kryer kerkimet, duke perfituar nje sasi eurosh, qe i duheshin per ndermjetesim. Pergjate nje viti, ai nuk zbuloi dot asgje per fatin e hoxhes se Gostivarit dhe me pas eshte takuar me Korab Melin, i cili, sipas prokurorise, i ka kerkuar 80 mije euro ne kembim te lirise se Idrizit. Por nuk eshte rene dakord me pagesen nga ana e familjes. Te pandehurit e tjere, Beqir Shahu, Basri Shahu dhe Shkelqim Palushi dyshohet se kane pasur dijeni se ku mbahej Idrizi dhe nuk kane treguar. Grupi eshte denuar dje nga Gjykata e Apelit te Krimeve te Renda per akuzat e "rrembimit e mbajtjes peng te personit". Gjyqtaret e Shkalles se Pare denuan me 62 vjet burg te pandehurit dhe dhane pafajesi per Nagip Musliun, konkretisht 14 vjet burg per Masar Melin, 10 vjet burg Korab Melin, 12 vjet burg per Beqir Shahun, 12 vjet burg per Basri Shahun dhe 14 vjet burg per Shkelqim Palushin.

Vendimi

Masar Meli 12 vjet burg,

Korab Meli 11 vjet

Shkelqim Palushi 11 vjet

Beqir Shahu 10 vjet

Basri Shahu 10 vjet