Vrasja e Majnishtes, 23 vjet burg per Bardhyl Rustemin

Tirane- Gjykata e Apelit per Krime te Renda denoi dje me 23 vjet heqje lirie te pandehurin Bardhyl Rustemi (Bajri), i akuzuar per vepren penale te "vrasjes me paramendim". Togat e zezat e kane shpallur fajtor per here te dyte te pandehurin, pas apelimit te vendimit nga ana e tij. Sipas hetimeve te kryera nga prokuroria, 25 vjecari akuzohet per vrasjen e Lec Manjishtes ne Shkoder. I pandehuri dyshohet te kete kryer vepren penale per motive te hakmarrjes. Krimi ka ardhur pas 11 viteve hasmeri midis dy familjeve, sepse ne vitin 1992 vellai i viktimes, Ardian Manishta, besohet se vrau xhaxhane e Bardhyl Rustemit. Per kete fakt 25 vjecari me daten 12 janar te vitit 2003, ne rrugen "Martin Barleti" te Shkodres, ka qelluar me 14 plumba Lec Majnishten, se bashku me shokun e tij, Sokol Selmani. Diten e ngjarjes, sipas akuzes, viktima se bashku me shokun e tij ishin duke udhetuar me makine, kur jane qelluar me bresheri armesh. Per pasoje, 14 plumbat e shkrehur lane te vdekur Majnishten, nderkohe qe u plagos Selmani. Dje, togat e zeza te gjykates se Apelit per Krime te Renda e kane shpallur 25 vjecarin fajtor per vepren penale te "vrasjes me paramendim", dhe "plagosjes" duke e denuar ate me 23 vjet heqje lirie. Ndersa e kane shpallur ate fajtor per vepren penale te "armbajtjes pa leje" duke e denuar me 2 vjet heqje lirie. Ne aplikim te bashkimit te denimit, togat e zeza e kane denuar perfundimisht te pandehurin me 23 vjet heqje lirie. Gjykata e Shkalles se Pare per Krime te Renda e ka denuar Rustemin me 24 vjet heqje lirie.

R.Caushaj

Gjakmarrja

Nga hetimet e kryera nga prokuroria ka rezultuar se 25 vjecari e ka kryer vepren penale per motive te gjakmarrjes. I pandehuri per 10 vite me radhe dyshohet te kete planifikuar edhe hakmarrjen e tij ndaj viktimes Lec Manishta, i cili gjeti vdekjen nga 14 plumbat qe dolen nga arma e Rustemit.