Rriten ndjeshëm çmimet e drithërave në botë

Çmimet e grurit janë rritur në mënyrë të ndjeshme në tregjet botërore pasi Rusia tha se anijet që iu drejtoheshin porteve ukrainase do t’i trajtonte si shënjestra të mundshme ushtarake. “Shtetet flamujt e të cilëve mbajnë mjete të tilla do të shihen si të përfshirë në konfliktin e Ukrainës”, theksoi Kremlini. 

Të mëkrurën çmimet e grurit në bursën europiane u rritën me 8.2 përqind, duke kapur çmimin e 253. 75 euro për ton, ndërsa çmimet e misrit u rritën me 5.4 përqind. Në të njëjtën ditë, çmimi i grurit u rri me 8.8 përqind në bursat amerikan, rritja më e madhe ditore e shënuar që pas pushtimit rus të Ukrainës.

Moska u tërhoq këtë javë nga Marrëveshja e Detit të Zi që mundësonte eksportin e drithërave ukrainase përmes porteve ukrainase në atë det. Presidenti rus Vladimir Putin është shprehur se do t’i rikthehej marrrëveshjes menjëherë nëse përmbusheshin kushtet e tij, mes të cilave edhe rilidhja e Bankës Bujësore ruse në sistemin botëror të pagesave Swift. 

Ndërkohë, një sulm ajror rus ndaj qytetit port të Mikolajvit në Ukrianë mbrëmjen e së mërkurës ka plagosur 18 persona. Guvernatori i krahinës Vitaliy Kim tha se nëntë nga të plagosurit, përfshi pesë fëmijë, ishin çuar të merrnin trajtim mjekësor në spital. Sulme të tjera ajrore ndërkohë shënjestruan edhe portin e Odesas.

Gazetare Elda Pepa

/ rtsh /