Rriten tensionet midis kandidateve republikane per President Romney dhe Perry
Me 3 janar ne shtetin e Ajovas zhvillohen votimet paraprake brenda partive per zgjedhjet presidenciale. Kjo shenon edhe fillimin zyrtar te procesit per emerimin e nje kandidati republikan i cili do te perballet me Presidentin Barak Obama vitin tjeter. Beteja per sigurimin e emerimit nga partia ka marre ngjyra personale ditet e fundit midis dy prej pretendenteve kryesore ish-Guvernatorit te Masacusetsit Mitt Romney dhe Guvernatorit te Teksasit Rick Perry. Korrespondenti i Zerit te Amerikes Jim Malone njofton nga Uashingtoni.
Tensionet midis grupeve te kandidateve Rick Perry dhe Mit Romney kane ardhur duke u grumbulluar per disa muaj me rradhe dhe mospelqimi i tyre per njeri tjetrin u shpall hapur gjate debatit te fundit republikan te zhvilluar ne Las Vegas te shtetit te Nevades.
Zoti Perry kishte ardhur i pergatitur per te qene me agresiv pas disa paraqitjeve jo te mira dhe pas nje renieje te mbeshtetjes se publikut per te ne anketat e zhvilluara.
Guvernatori Perry u perqendrua ne disa akuza te vjetra sipas te cilave zoti Romney kishte punesuar imigrante ilegale si bahcevane ne shtepine e tij. Ja nje fragment nga shkembimi mes tyre gjate debatit.
Mitt une mendoj se ti nuk je i besueshem pasi punesove punetore ilegale.
Une nuk mendoj se kam punesuar ndonjehere punetore ilegale.
Me lejo te te shpjegoj faktet.
Edhe nje here Rick mos me nderpre. E kam une fjalen
Zoti Romney thote se ai e nderpreu kontraten me firmen e kopshtarise sapo zbuloi se ajo perdorte punetore ilegale. Por ai dhe zoti Perry vazhduan te diskutonin edhe me tej mbi kete ceshtje gjate debatit. Ne nje moment qartesisht i irrituar zoti Romney vuri doren e tij butesisht mbi shpatullen e zotit Perry duke u munduar ta bente te pushonte se foluri.
Ti ke nje problem pasi nuk lejon qe personi tjeter te mbaroje se foluri dhe nese deshiron te behesh President i Shteteve te Bashkuara duhet te fillosh ti japesh mundesi edhe bashkebiseduesit te flase.
Imigracioni ilegal eshte kthyer ne objekt debati ne fushaten republikane dhe Guvernatori Perry eshte kritikuar nga disa prej rivaleve te tij sepse sipas tyre ai duhet te beje me teper per te ndalur imigrantet ilegale qe shkojne ne Teksas.
Anketat e opinionit tregojne se zoti Romney dhe sipermarresi nga shteti i Xhorxhias Herman Cain jane per momentin dy pretendentet kryesore per emerimin republikan. Zoti Perry renditet shume pas tyre se bashku me anetarin e Kongresit nga Teksasi Ron Paul ish-kryetarin e Dhomes se Perfaqesuesve Newt Gingrich dhe anetaren e Kongresit nga Minesota Michele Bachman.
Ne fund te renditjes jane ish-senatori nga Pensilvania Rick Santorum dhe ish-Guvernatori i shtetit Jutah Jon Hunstman.
E papritura e koheve te fundit ka qene niveli i mbeshtetjes per te porsaardhurin ne politike Herman Cain ish-drejtor ekzekutiv i nje shoqerie picash dhe i vetmi afro-amerikan ne gare.
Zoti Cain ka fituar vemendjen e publikut me ane te personalitetit te tij te pelqyeshem dhe me ane te nje plani te guximshem per reformimin e sistemit te taksave.